october, 2020

21octAll DayGiellavahkku 43Árbevirolaš máhttu ja giella Event Organized By: Guovdageainnu sámi joatkka- ja boazodoalloskuvla

Event Details

Guovdageainnu Sámi joatkkaskuvla ja boazodoalloskuvla (svgs) áigu čađahit čuovvovaš doaimmaid giellavahku 43. Giellavahku fáddán lea giella ja árbevirolašmáhttu.

Giellavahku 43 leat skuvllas guokte váldotemá:

(1) Lávostallan

(2) Niesteboazu

Dáid temáid siskkobealde skuvla heiveha oahpahusa nu, ahte oahpahus heive giellavahku váldotemáide.

Giellavahku áigumuš

Giellavahku áigumuš lea dokumenteret giela árbevirolaš bargguid bokte. Danne leat válljen guokte temá/fáttá: lávostallan ja niesteboazu, go dáid temáid siskkobealde lea ollu man sáhttá dokumenteret:

Giella, sánit ja doahpagat, árbevirolaš máhttu, muitalusat, diiddat, duodji

Mii áigut bovdet njeallje árbečeahpi, vuorasolbmo (The Elders) skuvlii geat leat mielde čađaheame dáid doaimmaid, ja geat dovdet báikkálaš árbevieruid ja geain lea giela dovdamuš.

Árbečeahppi lea “olmmoš gii vuđolaččat hálddaša árbevirolaš dieđuid ja máhtuid, ja gean báikkálaš servodat atná čeahppin iežas suorggis.” Gáldu: Dieđut 1/2011, Gunvor Guttorma čálus árbečehpiid birra. Danin min mielas lea dehálaš ahte árbečeahpit leat mielde giela ja árbevirolaš máhtu gaskkusteamis ja dokumenteremis.

Ohppiin galgá leat aktiivvalaš rolla, sii leat mielde sihke plánemis, doaimmaid čađaheamis, dokumenteremis ja dieđuid vurkemis.Giellavahku 43 temát ovddidit ohppiid giellamáhtu ja dovdámuša namalassii go galget oahpásnuvvat temá sániide, mat soitet apmasat ovdalaččat. Oahppit galget dokumenteret sániid, doahpagiid terminologiija, muitalusaid mat juo iešalddes ovddidit sin sámegiela máhtu ja nannejit/huksejit ohppiid sátneráju ja viiddidit sátneriggodaga. Árbečehppiin le ahui dehálaš rolla dán giellavahku doaimmain juste danin go sis lea rikkes fágagiella.

 

Who is this activity for

joatkkaskuvlla ohppiide ja oahpaheddjiide

Time

All Day (Wednesday)

Location

Guovdageainnu sámi joatkka- ja boazodoalloskuvla

Ájastealli 5, 9520 Guovdageaidnu

Organizer

Guovdageainnu sámi joatkka- ja boazodoalloskuvla Ájastealli 5, 9520 Guovdageaidnu

Privacy Preference Center

X
X