Det internasjonale året for urfolksspråk


Aktidum Nasjåvnå (AN) mierredin jagen 2016 juhte 2019 la rijkajgasskasasj álggoálmmukgielaj jahken. UNESCO la njunnjutjin bargon IYIL 2019:ajn.

Vuododuvvam la njunnjusjjuohkusav IYIL 2019:aj gånnå d.d. gájka gietjav álggoálmmukguovlo aj daj stáhta ájrastuhteduvvi. Sámedikkepresidænnta Aili Keskitalo la álggoálmmukåvdåstiddje Arktalasj guovlos, ja la aj njunnjusjjuohkusin.

Ulmme álggoálmmukgielaj jagijn la álggoálmmukgielaj dilijt tjalmostahttet ja åvdedit. Værálda birrusij 7000 gielajs, la máhttelis moadda tuvsána gáhtu ja edna giella li juo gáhtum.

Álggoálmmukgiela li sierralágásj rasjes dilen. Bájkoj 2680 giela li ájteduvvam giellan. UNESCO listan ájteduvvam gielaj, sáme giela aneduvvi ájteduvvam jali alvosláhkáj ájteduvvam giellan:

  • Nuorttasámegiella l ájteduvvam giellan
  • Julev-, giellda-, oarjjel-, Anár- ja gålldåsámegiella li duodaj ájteduvvam giellan
  • Tárjje-, Ubbmem- ja bihtámsámegiela li tjierggis ájteduvvam giellan

Duodden áhkkel- ja kemisámegiella aneduvvi gáhtum giellan UNESCO giellalistan.

Rijkajgasskasasj álggoálmmukgielaj jage baktu galggi álggoálmmukgiela tjalmostahteduvvat vidá oajvvesuorge baktu:

  • Ienep dádjadusáv, såbadallambargov, ja rijkajgasskasasj aktisasjbargov iesjgeŋga berustiddjij gaskan
  • Ásadit buorre vidjurijt máhtudagáv juogadittjat ja gaskostittjat, ma álggoálmmugijt vieledi
  • Álggoálmmukgielajt ieneplågogielajda sebrudahttet ja sebrudahttet álggoálmmukgielajt nasjåvnålasj politihkkaj, nasjåvnålasj strategiplánajda ja njuolgadusájda
  • Láhtjet dilev máhtukvuodav ásadime
  • Sjaddama ja åvddånahttema ådå máhtudagá baktu

Det internasjonale året for urfolksspråk


Les mer om det internasjonale året for urfolksspråk på denne nettsiden. På siden finner du mer informasjon samt et kart som viser hvilke arrangementer som finnes knyttet til IYIL 2019.

Les mer om IYIL 2019